DNA CEA normal/clear
Augnskoðun 7. nóv 2015 – engar athugasemdir
Skotta (SFÍ 2007-2-0863, ISDS 340289) var afbragðs tík. Gunnar frumtamdi hana, en Lísa varð svo hrifin af hundsefninu að hún samdi um eigendaskipti 2008 og hélt áfram með tamninguna þaðan sem frá var horfið. Skotta var glerhörð eins og hún hefur kyn til og fáir hundar voru betri í að temja óvant fé. Hún hafði óbilandi áhuga, mikla nærveru (það er setti mikinn þrýsting á féið með nærverunni einni saman), var eðlilslægt að vinna hratt og sækja á. Hún gat verið heldur stíf á meiningunni og vandaði eigandinn henni ekki alltaf kveðjurnar. Skotta er dæmi um hund sem þurfti talsverða tamningu og stöðugt aðhald, en uppskeran var algjörlega fyrirhafnarinnar virði. Skotta sannaði sig sem frábær vinnuhundur og náði jafnframt góðum árangri í keppnum. Skotta var mjög elsk að fjölskyldu sinni og þeim sem hún þekkti en tortryggin við ókunnuga. Skotta féll frá sumarið 2018. Hér er myndskeið af Skottu við vinnu og hér er annað frá keppni
Helstu afrek:
1. sæti í Unghundaflokki á Landsmóti smalahunda 2008 (59/100 stig)
1. sæti í B-flokki á Landsmóti smalahunda 2010 (77/100 stig & 61/100 stig)
1. sæti í B-flokki á móti Austurlandsdeildar SFÍ 2010 (60/100 stig)
3. sæti í A-flokki á Landsmóti smalahunda 2011 (75/100 stig & 71/100 stig)
3. sæti í A-flokki á Landsmóti smalahunda 2012 (67/100 stig & 65/100 stig)
1. sæti í A-flokki á Landsmóti Smalahunda 2013 (85/100 stig & 85/100 stig)
2. sæti í A-flokki á deildarmóti Austurlandsdeildar SFÍ 2013 (85/100 stig)
1. sæti í A-flokki á Landsmóti Smalahunda 2014 (86/100 stig)
2. sæti í A-flokki á keppni Austurlandsdeildar SFÍ 2015 (81/100 stig)
Ættartré
