Nú er hásumar. Eins og stundum áður einkennist það af veðurlegum vonbrigðum. Það rignir hér flesta daga og nær aldrei komið tveir þurrir dagar í röð í sumar. Ekki er útlit fyrir breytingu á þessu miðað við langtímaspár. Svona tíðarfar er alltaf þreytandi.

En það er þó stuð á öðrum vígstöðvum. Hvolparnir undan Scott og Ripley eru mjög hressir, allir níu. Þeir hafa verið minna úti en venjulegt er á þessum árstíma vegna veðursins en hafa þó fengið að fara í gerðið sitt upp á síðkastið aðeins. Hér að neðan eru nokkrar myndir þaðan. Heimasætunni fannst þeir jafnvel heldur of hressir!

Tveir hvolpar úr gotinu er enn ólofaðir. Áhugasamir geta haft samband við Lísu í síma 8631679. Stutt er í afhendingartímann.

Fleira hefur gerst hér á bænum. Nýlega var klárað að koma hér upp stóðhestahólfi! Hver hefði séð það fyrir? Mikil kátína með þessa óvæntu viðbót við búskapinn hér á bænum.

Mæðgur inn í hvolpagerðinu með allt hvolpastóðið með sér.

Eins og sjá má fannst hvolpunum tilvalið að leika við Sigrúnu!

Hér má sjá Ketilsstaðabóndann með hliðið í nýju stóðhestagirðinguna. Ræktunargripirnir í fjarska.