Landskeppni Smalahundafélags Íslands 2016 fór fram að Bæ í Miðdölum síðustu helgina í ágúst. Við fjölskyldan lögðum land undir fót ásamt þeim mæðgum Skottu og Pöndu. Keppnin fór fram laugardag og sunnudag og fengu allir hundarnir tvö rennsli. Þær mægður kepptu í A-flokki eins og undanfarin ár. Á laugardaginn gekk allt upp. Skotta fékk dæmd 86 stig og Panda 84 stig (af 100) sem gaf þeim báðum meira en 10 stiga forskot á næsta hund. Við mæðgur, og þá sennilega aðalega ég, vorum því farnar gera okkar pínulitla von um að allt gæti endað á besta veg . Á sunnudaginn gekk aftur á móti allt á aftufótunum og tókst smalanum að taka fjölmargar slæmar ákvarðanir á stuttum tíma. Við Skotta hættum keppni og fengum engin stig seinni daginn og Panda endaði að lokum í 4 sæti. Hér er rennsli Skottu frá fyrri deginum og hérna er rennsli Pöndu frá sama degi. Skotta er orðin 10 ára og alveg ótrúlega hraust ennþá og Panda var þarna gengin 4 vikur með og hvergi bangin. Sem betur fer eru ekki til neinar upptökur af seinni deginum . Að endingu er auðvitað rétt að halda því til haga að þeir sem komust á pall þetta árið voru vel að því komnir.
Nánar um úrslitin á heimasíðu SFÍ.