Kolur

Kolur

Fæddur 2013. M. Kría frá Daðastöðum & F. Brúsi frá Brautartungu. Eigandi Elísabet Gunnarsdóttir. Ræktandi Aðalsteinn Aðalsteinsson.

DNA CEA normal/clear

ISDS 359924 / SFÍ 2013-1-0014

Á haustmánuðum 2016 kom hann Kolur frá Húsatóftum til okkar í framhaldsnám en þetta var þá í annað skiptið sem hann kom til okkar í þjálfun. Í þessari síðari tamningarlotu miðaði það vel að Lísa prufaði að fara með nemandann upp á heiði í alvöru smalamennskur og í fersku fjallaloftinu fékk hún smalaást á hundinum. Flestir hundar geta orðið sæmilega góðir í tamningarhólfinu en það skilur á milli alvöru hunda og aukvisa þegar maður fer með þá í heiðina. Kolur reyndist vera alvöru hundur og því varð úr að undirrituð falaðist eftir hundinum.

Þegar tíkurnar okkar Skotta og Panda voru farnar að eldast og ungu hundarnir sem við höfum haft undanfarið hafa annað hvort ekki staðist fyllilega væntingar eða eru enn á reynslulausn, vorum við farin að sakna þess að vera ekki með hund þar á milli.  Kolur er því kærkominn fulltrúi þeirrar kynslóðar sem vantaði inn í hundafjölskylduna. Kolur hefur margt með sér. Hann er mannelskur og indæll í allri umgengni. Hann er með eðlisgóð úthlaup, er fljótur að koma auga á fé og vílar ekki fyrir sér að fara fyrir það um langan veg. Hann hefur gott lag á að halda hópnum saman en einnig hægt að nota hann til að taka eina.

Hér er myndband af Kol síðan 2014 þegar hann kom fyrst í þjálfun.

Hér er nýrra myndband frá æfingu 2017

Hér er síðan samansafn nokkurra stuttra myndbrota frá því þegar Lísa og Kolur voru að færa til lambfé á Daðastöðum 2018

 

Helstu afrek:

2018 – 2. sæti á deildarmóti Austurlandsdeildar SFÍ Ytra – Lóni (84/110 stig)

2018 – 2. sæti á deildarmóti Austurlandsdeildar SFÍ Eyrarlandi (82/110 stig)

 

 

Leave a reply